Fjallafreyjusöngvar

Fjallasöngur Fjallafreyja

Lag: Nú geng ég með á gleðifund

Nú Fjallafreyjur fara á stjá

Fjölling til að klífa á.

Þær orkufiðring allar fá

Er upp á toppinn ná.

Og allar saman óska þær

Að ávallt skíni sólin skær.

Fjöllin eitt

Fjöllin tvö

Fjöllin þrjúFjallafreyjusöngur

Hana nú

Þó skal aftur snú

Í sæluvímu sigrum vér

Sérhvern hól sem fyrir ber.

Og styrkjum fótum stigið er

Á stall, þá hæst hann ber.

Vér drögum andann djúpt að oss

Og dásömum þar berg og foss

Fjöllin eitt

Fjöllin tvö

Fjöllin þrjú

Hana nú

Brátt skal samt aftur snú.

Er hallar degi og húmar að

Heim skal snúið og í bað.

En aftur uppá fjall því að

Við ákaft þráum það.

Ef bóndinn aumur barmar sér

Og býsnast yfir því frúin fer

Fjöllin eitt

Fjöllin tvö

Fjöllin þrjú

Hana nú

Þá heim skal aftur snú.

SSK.

Fjallafreyjur.

(lag: Ó Súsanna)

Þegar lengir dag og lifna blóm

þá leggja þær í ferð,

með áhuga og ánægju

af allra bestu gerð.

Fjallafreyjur,

þær fara nokkuð greitt,

yfir urð og grjót og upp í mót

já, eins og ekki neitt.

Og nú sigta þær á sólarströnd

og setja markið hátt.

Með nestismal og nýja skó

þær nálgast suður átt.

Fjallafreyjur

þær fara......

Að klífa fjöll er feikna púl

það finna margir vel.

Og þreytandi að þjóta fram

með þanið brjóst og stél

Fjallafreyjur.......

Mbjö.

Fjallafreyjugleðisöngur

Lag: Hæ dúllía

Nú Fjallanna Freyjur við fögnum í dag

Frjálslegar allar við syngjum nú brag

Hressar og glaðar við gengum af stað

Og geislandi af fjöri við komum í hlað

Hæ dúllía dúllía dúllía dæ

Hæ dúllía dúllía dúllía dæ

Hressar og glaðar við gengum af stað

Og geislandi af fjöri við komum í hlað

Þótt tærnar þær bláni og hællinn sé sár

Svitinn hann streymi og úfið sé hár

Við kaffið og kexið þá gleymist allt streð

Já kvenfólk er skrítið sko það er auðséð

Hæ dúllía dúllía dúllía dæ

Hæ dúllía dúllía dúllía dæ

Við kaffið og kexið þá gleymist allt streð

Já kvenfólk er skrítið sko það er auðséð

Að ganga til gleði það mottóið er

Og gaman skal hafa af lífinu hér

Syngjum því saman og fögnum um stund

Og samtaka skundum á gleðinnar fund.

Hæ dúllía dúllía dúllía dæ

Hæ dúllía dúllía dúllía dæ

Syngjum því saman og fögnum um stund

Og samtaka skundum á gleðinnar fund.

SSk.

Fjallafreyjusöngur númer 3

Lag: Ef að nú hjá pabba…

Kominn er nú tími til að setjast við að semja

Sumarlegan brag um vor Fjallafreyjumál.

Reynum ekki lengur að hamast við að hemja

Hundraðfalda orkuna og okkar „fjallasál“

Víst er í sveitinni oft svakalega gaman

Svaðilfarir farnar og troðinn snjór og fjöll

Með stjörnublik í augum og frísklegar í framan

Fara þær af stað til að hitta álfa og tröll.

Príla yfir girðingar og hlaupa uppá hóla

Hoppa yfir læki og klöngrast kletta á

Setjar svo á þúfu og naga strá og njóla

Náttúrunnar njóta, já víst er margt að sjá.

Ekki má þó gleyma að næra munn og maga

Margt er það sem leynist í nestistpoka flott

Þó eitt af því sem gera þarf sé línurnar að laga

Langar okkur alltaf í eitthvað sætt og gott.

Óla sér um súkkulaðiði, Gógó kaffið gefur

Gitta bakar hjónasælu og trakterarar af list

Magga tíu sultukrukkur tekið með sér hefur

En tíramisjútertan hennar Völu eru þó fyrst.

Flestar hafa eitthvað gómsætt fram að færa

Fyrirmyndar húsmæður þær allar eru hér

Að telja allt það upp það myndi óstöðugan æra

Allt er best í hófi það sannast víst á mér.

Þetta er  það sem anda okkar upphefur og kætir;

Orkuþrungið fjallaloft og vináttunnar bönd

Gáskaþrungin samveran hún byggir upp og bætir

Og ber okkur á gönguskóm að lífsins sólarströnd.

SSK.